يوں نہ تھا ميں نے فقط چاہا تھا يوں ہو جائے

افضل صاحب مجھے نہیں لگتا کے دل سے کوئی بھی پارٹی (قیادت) آزاد عدلیہ کے حق میں ہے کیونکہ ایک آزاد عدلیہ انکی ابن لیڈر اور بنت لیڈر والی سیاست کی راہ میں بھی رکاوٹ بن جائے گی۔ یہ حال میڈیا کی آزادی کا بھی ہے کہ دل سے سیاستدان ایک آزاد میڈیا نہیں دیکھنا چاہتے۔ اگر ہم پھر انہی سیاستدانوں کو آزمانے کا ارادہ رکھتے ہیں تو پھر نتائج کم و بیش وہی ہونگے جو ہم پہلے بھی دیکھ چکے ہیں

کوئی بھی حکومت ہو سب ہی عدلیہ اور میڈیا کو اپنی مٹھی میں رکھنا چاہتے ہیں ۔۔۔ باقی یہ سب نورا کشتی ہے۔

اس میں کوئی شک نہیں کہ کچھ سیاستدان جو بنیادی طور پر وڈیرا ازم چاہتے ہیں یا قبضہ گروپ سے تعلق رکھتے ہیں انہیں نہ منصف عدلیہ چاہیئے اور نہ ہی آزاد ذرائع ابلاغ لیکن موجودہ صورتِ حال میں نواز شریف نے پہلے ہی دن صرف ایک مطالبہ کیا اور اب تک یہی مطالبہ کر رہا ہے کہ پی سی او کے تحت حلف نہ اٹھانے والے جج صاحبان کو بحال کیا جائے ۔ بینظیر سے تعاون کیلئے بھی نواز شریف نے یہی شرط رکھی ہے

اجمل صاحب نواز شریف کا مطالبہ ہی اس وقت سب سے وزن دار ہے لیکن ماضی میں عدلیہ کے ساتھ ان کا برتاؤ کچھ ایسا رہا ہے کہ قوم کو انصاف کی فراہمی کے حوالے سے میاں صاحب سے بے شمار تحفظات ہوں گے۔ میری نظر میں عدلیہ کی آزادی کا نعرہ سیاستدانوں میں بطور جدید فیشن عام ہے لیکن جب اقرار بالسان اور تصدیق بالقلب کی بات آئے گی تو پیچھے بہت تھوڑے لوگ ہوں گے۔

راشد !
آپ نے اس بنیادی مطالبے کے لئے سول سوسائٹی کو مخاطب کیا ہے ۔ میرے خیال میں مجھے ، آپ کو اور ہم جیسے دیگر مزدور پیشہ لوگوں کو اس کام کے لئے آگے آنا ہوگا ۔ عام آدمی کو ، کسی سیاستدان یا سیاسی جماعت کی طرف دیکھنا کم از کم میرے ناقص فہم میں بے وقوفی ہی ہے ۔ ان لوگوں نے ہمیشہ سبز باغ دکھا کر اپنے مقاصد حاصل کئے ہیں ۔ ان پر اعتبار نہیں‌ کیا جاسکتا ۔ عام لوگوں اور سول سوسائٹی کو یہ جنگ لڑنی اور جیتنی ہوگی ۔ سول سوسائٹی اور عام لوگوں‌ کو صرف اس ایک نکتے پر جمع ہونا چاہیئے کہ فوج کے عمل دخل کا خاتمہ اور عدلیہ کی آزادی ۔ بس اور کچھ بھی نہیں ۔

بات تو بالکل ٹھیک کی ہے اور اب عوامی دباؤ کی وجہ سے بینظیر نے بھی معزول ججوں کو بحال کرنے کا نعرہ بلند کر دیا ہے اور متحدہ اپوزیشن ترتیب پا رہی ہے۔

اس وقت ون پوائنٹ ایجنڈے پر عمل کی ضرورت ہے جو مشرف کو اقتدار سے اتار کر معزول ججوں کو بحال کرنا ہے اس سے کم کسی چیز پر سمجھوتہ نہیں ہونا چاہیے۔

ڈیر لوگو!!
کون لڑے گا یہ جنگ؟
بزعمِ خود سول سوسائیٹی والے! جو اربوں ڈکار جاتے ہیں اور سانس بھی نہیں لےتے؟
وکلا ء جو پھانسی کے پھندے پر جھولتے ہوئے شخص کی ہائی کورٹ میں اپیل دایر نہیں کرتے صرف اس وجہ سے کے موکل کے پاس ایڈوانس لاکھ میں سےصرف پچاس ہزار ہیں؟(یہ ایک سچا واقعہ ہے،)
سیاستدان جن میں سے کوئی ایک بھی کرپشن سے پاک نہیں ہے؟
یا فوج جس کا ایمان ایک انجانا سا آرڈر ہے؟
جمہوری ملا جو اِن رہنے کے لئے کبھی یوگا سے نہیں ہچکچاتے؟
یا وہ لوگ جو ٹیررسٹ کہلاتے ہیں مگر حق کے لئے بیابانوں میں کٹ مرجاتے ہیں؟