يوں نہ تھا ميں نے فقط چاہا تھا يوں ہو جائے

گو کہ یہ مسئلہ میری نظروں میں بھی کھٹک رہا تھا لیکن آپ نے اچھا کیا جو اسے تحریری صورت میں اردو ویب انتظامیہ کے سامنے پیش کر دیا۔
اب جبکہ ہم کراچی میں دو بڑے پروگراموں میں اردو کی نمائندگی کر چکے ہیں اور اردو ویب کا حوالہ دونوں جگہ پر دے چکے ہیں تو اس صورت میں اردو ویب انتظامیہ پر یہ دہری ذمہ داری عائد ہوتی ہے کہ وہ اچھے بلاگرز کی حوصلہ افزائی اور اسپیم بلاگرز کی حوصلہ شکنی کرے تاکہ اردو میں بلاگنگ لکھنے کے خواہشمند افراد یہ جان سکیں کہ اردو میں بھی معیاری بلاگنگ ہوتی ہے اور انہیں اردو میں بلاگنگ کرنے کی تحریک ملے۔

میں بھی اس بات کی بھر پور تائید کرتا ہوں۔ آپ نے نام نہیں لکھا لیکن میں‌ربط دے دیتا ہوں‌یہ بلاگ
http://sweetjaveria.blogspot.com/
خالصتاً ایک اسپیم بلاگ ہے اور اسکی سیارہ پر رکنیت فوری طور پر ختم ہونی چاہیئے۔ سینہ زوری کی حد ہے، اس بلاگ پر اردو محفل فورم اور دیگر بلاگز کی چُرائی ہوئی چیزیں بھی موجود ہیں، ایک مثال صرف اپنے بلاگ کے حوالے سے لکھتا ہوں، میری تحریر
http://muhammad-waris.blogspot.com/2009/01/blog-post.html
اور اس بلاگ پر کاپی شدہ تحریر
http://sweetjaveria.blogspot.com/2009/03/blog-post_1475.html
حفیظ جالندھری کی نظم تو خیر کسی کی بھی جاگیر نہیں‌ لیکن یہ بھلے مانس وہ تقطیع ہی نیچے سے حذف کر دیتے جو کہ میں نے لکھی تھی کہ ان کو تو شاید اس کو صحیح طرح سے پڑھنا بھی نہیں آتا ہوگا۔

مجھے تو یہ سمجھ نہیں آ رہی کہ یہ جو نئے صاحب وارد ہوئے ہیں جن کا زنانہ نام ہے اور جسے وہ اپنی اس بیٹی کا نام بتاتے ہیں جو کہ دو ہزار نو کے آنے والے اگست میں پیدا ہو گی، کو دھڑا دھڑ کاپی شدہ پوسٹیں پبلش کرنے پر کوئی روک ٹوک نہیں ۔بلکہ روک نا کر سکنا دراصل حوصلہ افزائی کے ہی زمرے میں آئے گا۔
یہ بات بالکل صحیح ہے کہ اس گند کے انبارمیں سے ایک ایسی پوسٹ کو ڈھونڈنے کی شائد ہی کوئی کوشش کرے جو کہ کاپی شدہ نا ہو۔ میرے بلاگ پر سب سے زیادہ لوگوں کی آمد اردو سیارہ سے ہی ہوتی تھی لیکن اب وہ بالکل نا ہونے کے برابر ہے اور میرا خیال ہے کہ یہ اسی گندے بلاگ کی وجہ سے ہے کہ لوگوں نے شائد اب اردو سیارہ کو ہی ان سبسکرائب کر دیا ہے یا اس پر آنے والی تحریروں کو درخور اعتنا ہی نہیں سمجھتے۔

یہ صاحب نہایت ہی واہیات حرکت کر رہے ہیں اور اسکی انتہائی غلط توجیہہ پیش کر رہے ہیں۔ زیادہ سے زیادہ یہ ہوتا کہ اصل تحریر کا اقتباس پیش کرتے اور وہ بھی ربط کے ساتھ۔ اردو ویب کی انتظامیہ تو پڑھی لکھی ہے اور ساری دنیا میں قائم ان بنیادی اصولوں سے یقیناً واقف ہو گی۔ پھر معلوم نہیں کہ یہ چوک کیسے ہو گئی۔

آہم۔۔۔
راشد، آپ نے پھر طالبان کے خلاف لکھ دیا ہے، بہت افسوس کی بات ہے۔

پالیسی میں کوئ تبدیلی نہیں ہوئ ہے۔ ہماری کوشش ہوتی ہے کہ محض شک کی بنیاد پر فیصلہ نہ کیا جائے۔ کچھ دن پہلے یہ شک یقین میں بدل گیا تھا مگر پھر کچھ مصروفیت رہی اور بلاگر سے رابطہ کرنا بھی ضروری تھا۔

میں تو جمعہ جمعہ آٹھ دن پرانا ہوں
بلاگی دنیا میں اسلئے نوٹس لینے کے باوجود چپ رہا
کہ کہیں دبکا مار کر نکال نہ دیا جا ؤں
: 😳
لیکن پھر بھی میں حیران تھا کہ یہ کون حضرت ہیں
جو دھڑا دھڑ پوسٹ کئے جارہے ہیں
لگتا ہے اب کچھ توجہ دی جائی گی اس طرف۔۔

ایک بار پھر شکریہ راشد صاحب آپ کا اس اہم مسئلے کی طرف توجہ دلانے کیلیے اور شکریہ زیک کا سیارہ کو پاک صاف کرنے کیلیے
ڈفرستان کے ڈفر بھائی جان، آپ کی پچھلی چند ایک تحاریر سیارہ پر مجھے نظر نہیں آئیں لیکن وہ وینس پر تھیں، آپ چیک کیجیئے کہ آپ کی تحاریر سیارہ پر کیوں نہیں آ رہیں، بائی دا وئے، یہی وجہ ہے کہ سیارہ سے آپ کے بلاگ ٹریفک نہ ہونے کے برابر ہے

بہت شکریہ زیک، اس توجہ دلاؤ نوٹس کے نتیجے میں فوری کاروائی کرنے کا۔

زیک اور نبیل بھائی۔۔۔۔۔۔۔۔۔۔۔ معاملہ تو ابھی جوں کا توں ہے۔۔۔۔۔۔۔۔۔۔۔اردو سیارہ کی افادیت سے کسی طور۔۔۔۔۔۔۔۔۔ کوئی بھی۔۔۔۔۔۔۔۔۔۔۔ انکار نہیں کر سکتا۔۔۔۔۔۔۔۔۔۔۔۔۔لیکن اب یہ افادیت متاثر ہو رہی ہے جس کی وجہ مذکورہ اسپیم بلاگ بن رہا ہے۔۔۔۔۔۔۔۔۔۔۔۔۔توجہ کی درخواست ہے۔۔۔۔۔۔۔۔۔

شکریہ راشد صاحب۔۔۔۔۔۔۔۔۔۔۔۔۔۔۔۔۔ آپ کا۔۔۔۔۔۔۔۔۔۔۔۔۔۔۔۔ اس اہم مسئلے کی طرف توجہ دلانے کیلیے اور شکریہ زیک کا۔۔۔۔۔۔۔۔۔۔۔۔۔۔ سیارہ کو۔۔۔۔۔۔۔۔۔۔۔۔۔۔۔ پاک صاف کرنے کیلیے۔۔۔۔۔۔۔۔۔۔۔۔۔۔

کامران ایک اہم مسلے کی طرف انتظامیہ کو توجہ دلانے کا شکریہ۔
آپکی یہ پوسٹ بہت سے بلاگرز کی آواز ہے۔

ڈفر آپکی پوسٹس کا لنک اردو سیارہ پر نہیں آرہا۔

تمام لوگوں کے تبصروں‌پر انتہائی مشکور ہوں۔

اردو ویب انتظامیہ کا شکریہ خاص طور پر زکریا اور نبیل کا شکریہ جنہوں نے فوری طور پر اس مسئلے کو اپنی مصروفیات میں سے وقت نکال کر حل کیا۔

اس پوری تحریک سے یہ خیال یقین میں بدل گیا ہے کہ اردو بلاگرز نہ صرف بلاگنگ کو سنجیدگی سے لیتے ہیں بلکہ بلاگنگ کے میعار کو برقرار رکھنے اور اسے مزید اوپر لے جانے کے لیے ہر ممکن ایک دوسرے کا ساتھ دیتے ہیں اور ایک دوسرے کی آواز میں آواز ملاتے ہیں۔

اس پورے عمل سے متاثرہ بلاگر{ز} کو ہر ممکن یقین دلاتا ہوں‌کہ اس میں کسی قسم کی ذاتی خواہش، رنجش یا نظریاتی اختلاف کا کوئی عمل دخل نہیں‌ ہے بلکہ اردو بلاگنگ کمیونٹی نو وارد بلاگرز کی ہر ممکن حوصلہ افزائی کرتی ہے کہ وہ اپنی تخلیقی صلاحیتوں‌ کا استعمال کریں اور تجربہ کار اور پرانے بلاگرز کے غیر ذمہ دارانہ طرز عمل پر سرزنش بھی کرتی رہتی ہے جو میعاری بلاگنگ کے فروغ کے لیے انتہائی اہم ہے۔

طارق راحیل صاحب نے اپنے اظہاریہ کے ماتھے پر یہ عبارت لگا رکھی ہے جو لگتا ہےان کے بارے میں راشد کامران اور آپ دیگر احباب کی بات کے پیشِ نظر بعد میں شامل کی گئی ہے ، بلاگ کا عنوان بھی اب میری پسند کردیا گیا ہے ،
متن یہ ہے:

میری پسند آپ کے لئے یہ میرے بلاگ کا ٹائٹل اس بات کو ظاہر کرتا ہے کے اس میں آپ کو وہ تحریر ملیں گی کہ جو مجھے پسند ہیں میں اس بات کا حتمی اعلان کرتا ہوں کے اس بلاگ میں زیادہ تر وہ تحریرشامل ہیں جو دوسرے بلاگ اور فورم سے کاپی کی گئی ہیں لہذا اس بلاگ میں موجود تحریر کو ہر گز میری تحریر نہ سمجھا جائے شکریہ۔۔۔ محمد طارق راحیل

موصوف نے اپنے اظہاریہ پر توجیح بیان کی ہے ، امید ہے وہ آئندہ خیال رکھیں گے۔

مغل صاحب بلاگ تو ان کی ذاتی چیز ہے ۔۔ اس کے ساتھ وہ جو سلوک چاہیں کریں یہ تو انکا معاملہ ہے اور جن کی تحریروں کا استعمال کیا جارہا ہے انکا مسئلہ ہے۔ اصل مسئلہ سیارہ پر عجیب و غریب صورتحال کا تھا جس پر سیارہ کی انتظامیہ کی بروقت کاروائی کی وجہ سے قابو پالیا گیا ہے اور دوسرے بلاگرز بھی اس معاملے میں احتیاط برتیں گے اور اپنی تحریروں‌ پر بھی نظر رکھیں گے کہ کہاں کہاں‌ ری سائیکل ہورہی ہیں۔۔

السلام علیکم
یہاں متضاد رائے کے احباب نظر آرہے ہیں
البۃ انتظامیہ کو تدبر سے کام لینا چاہیے
۔
میں ایک اہم گذارش کرنا چاہتاہوں
میں بلاگ کی دنیا میں بلکل نیا ہوں ہر جگہ بلاگ بلاگ
پڑھتااور سنتارہتاہوں،مجھے بلاگ لکھنے کا بہت شوق ہے
برائے کرم اس کے کچھ بنیادی اصول مکمل طریقہ کے ساتھ بتادیں
آپ سب کی رہنمائی کا محتاج
عبداللہ ابن عبید

عبداللہ بھائی آپ کو بلاگنگ میں خوش آمدید ۔۔

میں جب سے بلاگنگ کر رہا ہو خود اس کے کوئی بنیادی اصول جان نہیں سکا ۔۔ کیونکہ کوئی ہے ہی نہیں

مطلب بلاگ آپ کا اپنا عکس ہے ۔۔ آپ کے جو اصول وہی آپ کے بلاگ کے اصول ۔۔ اردو بلاگنگ بس ٹھوڑا ٹیکنیکل ٹرک ہے جو آپ اردو محفل میں جان سکتے ہیں ۔۔ مزید آپ بلاگ بنانے میں مدد چاہتے ہو تو آپ مجھے ای میل کر لیں میں آپ کو آپ کا بلاگ بنا دوگا ۔

[email protected]

میں نے اردو بلاگرز کےلیے ایک بلاگ ایگریگیٹر تشکیل دیا ہے اور اپنی معلومات کے مطابق بلاگز کو اس میں شامل کر دیا ہے، اگر ممکن ہو تو اسے بلاگ رول میں شامل کریں، شکریہ
http://urdublogs.co.cc

رشید کامران بھائی،آداب..میں کافی عرصہ سے آپ کا رابطہ تلاش کر رہا ہوں اور دو ایک مرتبہ آپ کے کسی بلاگر دوست کے بلاگ لنک سے اردو سیارہ میں شمولیت کی گزارش بھیج چکا ہوں .میں پیشہ کی اعتبار سے بنکر ہوں اور بسلسلہ ملازمت ٹوکیو میں مقیم ہوں.میں اردو شا عر ہوں اور اردو میرا بلاگ اظہر ناظر شا عری و من کی باتیں کے عنوان سے azharnaazir blogspot com پر دو ماہ سے زائد عرصہ سے موجود ہے .براہ کرم میرا بلاگ ملاحظہ کریں اور اردو سیارہ میں شامل کریں.شکریہ
اظہر ناظر..