يوں نہ تھا ميں نے فقط چاہا تھا يوں ہو جائے

یہ اردو پیڈ اپڈیٹ کر لیں۔ اگر ونڈوز میں موجود کی بورڈ ٹوگل کیا جائے تو تبصرہ کٹ کر دیتا ہے عین اس مقام سے جہاں‌سے ٹوگل کیا گیا تھا۔

راشد صاحب! بہت خوب، آپ کی تحریر کی روایتی کاٹ اس مضمون میں بدرجہ اتم نظر آ رہی ہے۔ بہت شاندار مضمون لکھا ہے اور میں اس سے متفق بھی ہوں۔ شاید کچھ عرصہ قبل وسعت اللہ خان نے بھی مظلوم مرد کے عنوان سے کچھ لکھا تھا، ابھی تک مجھے مل نہیں سکا ورنہ آپ کو بھی ربط دے دیتا۔ ویسے شاید آپ نے خود ہی پڑھ لیا ہو۔ بہرحال جان کی امان پاؤں تو ایک تصحیح کرلوں، آپ نے ایک جگہ “مثتثنیات” کا لفظ استعمال کیا ہے، اگر میں غلطی پر نہیں تو کہیں یہ “مستثنیات” تو نہیں؟ جو مستثنٰی سے نکلا ہے؟ اگر میں غلطی پر ہوں تب بھی آگاہ کر دیجیے گا۔

بہت اچھا لکھا ہے ، ان سب بیماریوں کا علاج ہے اسلام ، بالغ ہونے کے فوراً بعد شادی ، اصل میں ہمارے معاشرے میں عورت کے مرد کا حصول اور مرد کے لئے عورت کا حصول اتنا مشکل بنا دیا گیا ہے ، کہ لوگ نکاح سے زیادہ زنا کو آسان سمجھتے ہیں (اور واقعٰی ہی ان حالات میں آسان ہے بھی ) اور یہ ہی وجہ بھی ہے تمام تر دکھوں اور پریشانیوں کی ۔۔ ۔ مرد تو ہمیشہ سے ہی زر زن اور زمین کے لئے پھنسا رہتا ہے اور عورت ۔ ۔ یعنی زن ، زر اور زمین کے لئے مرد کو دو عورتوں کی چکی کے پاٹوں میں پیستیں ہیں ۔ ۔

بدتمیز صاحب ڈبل اتفاق کا شکریہ واقعی داماد تو شاید سب سے مظلوم مرد ہے لیکن نکتہ یہ ہے کے جب خونی رشتے بے حسی کی حدیں پار کرسکتے ہیں تو پھر قانونی رشتوں میں تو حدیں ہی نہیں خاص طور پر گھر داماد تو گویا بہو سے زیادہ مظلوم۔ ورڈ پیڈ کی نشاندہی کا شکریہ پہلی فرصت میں اسے اپڈیٹ کرلوں گا۔

شامل صاحب تبصرے اور پسندیدگی کا شکریہ۔۔ غلطی کی نشاندہی کرنے کا بھی شکریہ آپ نے بالکل درست ہجے کی ہے۔۔ قلم سے اردو نہ لکھنے کے سبب کئی الفاظ کی ہجے میں تذبذب کا شکار رہنے لگا ہوں لیکن آپ حضرات نشاندہی کردیتے ہیں تو املا کی غلطیاں دور ہوجاتی ہیں۔۔

اظہر صاحب تعریف کا شکریہ ۔۔ بلاشبہ اسلام تمام معاشرتی برائیوں کا علاج ہے جب کے اسے اسکی سادگی اور اصل کے ساتھ نافذ کیا جائے۔ آپ نی نکاح و زنا کی بات سے میں دو سو فیصد متفق ہوں

اگر ہم تھوڑا غرو کریں تو برائی کی سب سے بڑی جڑ بے عقلی ہوتی ہے۔ اگر آدمی یا عورت تھوڑا سا بھی عقل کا استعمال کریں کہ تو مسئلے کا حل موجود ہوتا ہے۔ ہاں اگر آپ اپنی ضد پر اڑ جائیں تو پھر دنیا کا کوئی انسان آپ کو ٹھیک نہیں‌کرسکتا۔ دراصل ہمارا معاشرہ انپڑھ زیادہ ہونے کی وجہ سے گھریلو تنازعات کا زیادہ شکار رہتا ہے۔ سیدھی سی بات ہے اگر مرد عقل مند ہو گا تو سو طریقوں سے بیوی اور ماں‌میں‌توازن برقرار رکھ سکے گا۔ یہی حال ماں کا ہے اگر وہ عقل مند ہوئی تو بہو کو بیٹی بنا کر رکھنے میں‌ہی اپنا فائدہ سمجھے گی لیکن اگر بیوقوف ہوئی تو خود بھی پریشان ہوگی اور بیٹے اور بہو کو بھی پریشان رکھے گی۔

راشد صاحب، آپ کے عنوان سے میں مکمل طور پر متفق ہوں۔ “بےچارہ مرد“ ۔

دوسری بات کہ بےچارہ سارا دن بلکہ ساری زندگی کا ہر دن کام کر بیوی، بچوں کے لیے کماتا ہے۔ اور جب گھر آئے تو بیوی یا گھریلو جھگڑے سامنے کھڑے ہوں تو میں بہت اچھی طرح مرد کی بیچارگی کو محسوس کر سکتی ہوں۔
ابھی کچھ دن پہلے میں امی سے اسی پر بحث کر رہی تھی کہ ہمارے ملک میں اتنا بڑا خاندان ہوتا ہے اور کمانے والا صرف ایک۔ اسی لیے تو ہمارے زیادہ لوگ غریب ہیں۔ اگر گھر کا ہر فرد، ماں، بہن، بیوی سب مل کر کام کریں تو کوئی کسی پر بوجھ نہ بنے اور نہ ہی عورتوں کو فارغ رہتے ہوئے فضول مسائل کھڑا کرنے کی سوجھے۔ ہمارے ملک کی عورتوں کی بہت بڑی تعداد فارغ ہوتی ہے، اور ان کا کام کیا ہوتا ہے؟ دوسرے کی برائیاں کرنا، دوسروں کے حالات ڈسکس کرنا۔۔ یہ نہ ہو تو اپنے ہی گھر میں ساس، بہو، نندوں کے لیے مسائل پیدا کرنا۔ اور ان سب حالات کے بعد آپ دو شادیوں کی آزادی کی بات کرتے ہیں؟؟ خود آپ نے بھی کہا کہ دو بیویاں اکھٹی ہوں تو اس گھر کے حالات کیا ہوں گے؟ لیکن دو شادیاں کرنا کوئی عقلمندی یا مسائل کا حل نہیں ہے۔ خدا جانے مرد کیوں نہیں سمجھتا، ایک عورت کے لیے صرف اس کو گھر ہوتا ہے، خاوند اور بچے ہوتے ہیں۔ وہ دن رات کی محنت، محبت سے اس گھر کو بناتی ہے، اور کل کو اس کا کوئی اور مفت میں آ کر حصہ دار بن جائے؟ آپ خود دل پر ہاتھ رکھ کر بتائیں کہ کیا آج کے دور میں ایک عام مرد دو بیویوں سے انصاف کر سکتا ہے۔ ہمارے معاشرے میں تو مرد دوسری شادی کرتے ہیں تو پہلی ان کو یاد ہی نہیں رہتی، وہ ان کو بری لگنے لگتی ہے۔ شاید دوسری پہلی سے زیادہ خوبصورت ہو تو اسی کے گن گاتے رہتے ہیں۔ پہلی بیوی کا قصور۔۔۔ ؟ اس سے بہت بہت بہتر ہے کہ پہلی کو طلاق دیں، اور دوسری شادی کریں۔ کاش کے ایک عورت بھی ایک وقت میں دو شادیاں کر سکتی ہوتی تو ہر مردوں کا ریکشن دیکھ سکتے۔

آپ کی اس بات سے متفق ہوں کہ ماں باپ اپنی ذمہ داری سے غفلت برتتے ہیں، اس میں بھی صرف ماں ، بہن کا قصور کہاں سے آ گیا، باپ بھی تو اس چیز کے ذمہ دار ہو سکتے ہیں۔ ہاں یہ ہے کہ ہمارے معاشرے میں بہت برا رواج چل پڑا ہے کہ رشتہ دیکھنے جائیں تو لڑکیوں میں ہزار خامیاں نکالی جاتی ہیں۔ اور بہت سے پڑھے لکھے لوگ بھی اس کھیل میں شامل ہو جاتے ہیں۔

ان سب باتوں میں کس کا قصور ہے؟ یہ ہمارا ایسا معاشرہ کس نے تخلیق کیا ہے؟ کسی ایک نے نہیں۔۔۔ بلکہ ہم سب نے مل کر۔۔۔ ہمارے مرد بیچارگی کی حالت تک کیوں پہنچے، انہوں نے ایسے حالات کیوں پیدا ہونے دئیے؟ اگر دیکھا جائے تو سب ہی مظلوم بن کر رہ گئے ہیں، کہ جب یہ سب کچھ معاشرے میں پنپ رہا تھا تو سب اس میں خود کو بھی شامل ہوتے گئے۔ اور حالات یہاں تک پہنچے۔

عورت مرد برابر ہیں، کوئی کسی کی راہ میں مشکلات کھڑی نہیں کر سکتا۔ مشکلات تب تک کھڑی ہوتی رہیں گی، جب تک ہم مرد اور عورت میں فرق کرتے رہیں گے۔ مل جل کر ایک ساتھ ہو کر چلیں گے تو ایسے کوئی مسائل پیدا نہیں ہوں گے۔

افضل صاحب یہ بات بالکل درست ہے کے انسان اگر تھوڑی سی عقل استعمال کرلے یا عورت یا مرد میں سے کوئی مصلحتا پسپائی اختیار کرلے تو کئی خاندان تباہ ہونے سے بچ جائیں لیکن انا کی تسکین نہ جانے انسان کو ایسا کرنے سے کیوں روکتی رہتی ہے۔

ماوراء آپ کی کئی باتیں قابل غور ہیں اور مرد عورت دونوں کچھ لو اور کچھ دو کی پالیسی کے تحت ایک خوشگوار زندگی کی تعمیر کرسکتے ہیں۔ میں دوسری شادی کی وکالت نہیں کررہا نہ ہی میں نے اسے کسی ممکنہ حل کے طور پر تجویز کیا ہے ۔۔ بلکہ ہماری سوسائٹی میں دوسری شادی خودکشی کے مترادف ہے۔ لیکن ایک سے زیادہ شادیوں کا دروازہ قدرت نے صرف عورت کی بھلائی کے لیے کھلا رکھا ہے۔۔ اس کا فائدہ آپ کسی جنگ یا قدرتی آفت زدہ علاقہ جہاں مردوں کی کمی واقع ہوگئی ہو وہاں کی عورتوں سے پوچھیں۔ لیکن اللہ نے آپ کو دوسری شادی کی ترغیب نہیں دی بلکہ انصاف نہ کرنے کی صورت میں ایک ہی کا حکم دیا ہے۔ میں اس سلسلے میں بہت جلد ایک بلاگ لکھنے والا ہوں امید ہے وہاں ہم اس پر تفصیلی گفتگو کر کے دوسروں کی رائے بھی جان لیں گے اور کچھ غلط فہمیوں کا ازالہ بھی کرسکیں گے۔

یہ ایک بہت عجیب غلط فہمی ہے جو عورتوں میں ہے کہ وہ خود کو مظلوم سمجھتی ہیں چاہے گھر کے کام کر رہی ہوں یا پھر باہر جاب یا خاوند شادی کر لے۔
خواتین گھر کے کاموں میں ہی لگی رہیں تو وقت گزر جائے۔ بہت سی خواتین گھر کے کاموں کو معیوب سمجھتی ہیں۔ وہ صرف ہانڈی روٹی کو گھر کا کام جانتی ہیں اور صفائی ستھرائی برتن اور کپڑے دھونے کو ان کو ملازمہ چاہئے۔ عورتوں کی تان ہمیشہ باہر نکل کر کام کرنے پر ٹوٹتی ہے۔ حد یہ ہے کہ گھر کے کام پورے ہوتے نہیں باہر کام کر کے تھکی ہاری عورت سوچتی ہے کہ گھر کے لئے اس نے بہت قربانی دی۔ یعنی شوق پورے کر کے بھی قربانی بھی ہو گئی۔
مفت کی حصہ دار؟ آپ نے اپنے مرد کو دوسری کرنے پر جانے ہی کیوں دیا؟ دوسری شادی کو مرد کی عیاشی سمجھا جاتا ہے اگر مرد ویسے ہی باہر منہ مارتے رہیں تو؟ اگر وہ شریعی طریقے سے لا رہا ہے تو پھر بیماری کا بھی خدشہ کم ہے اگر سو جگہ منہ مارے گا تو زیادہ چانسز ہیں کہ بیماری گھر لا سکے۔
اگر ایک عورت دو مردوں‌ سے شادی کر لیتی تو وہ کس کی بات مانتی اور کس کی نہیں؟ دونوں‌کے گھر سنبھالتی۔ ایک گھر سنبھالا جاتا نہین دو دو سنبھالتی۔
اگر ایک مرد دو عورتیں رکھ سکتا ہے توپہلی کو طلاق دے اوراس کو بے یارو مددگار چھوڑ دے۔ ہمارے معاشرے میں طلاق یافتہ عورت سے شادی کرنا کون پسند کرتا ہے؟
پھر جب لڑکی کو دیکھنے جاتے ہیں تو لڑکی کے والدین اجازت ہی کیوں دیتے ہیں کہ ان کی بیٹی کے ساتھ ایسا ہو؟ وہ نامحرم مردوں کو کیوں آنے کی اجازت دیتے ہیں؟
عورت اور مرد میں کوئی فرق ہوتا نہیں لیکن عورت خود کو برابر کرنے کے چکر میں فرق پیدا کرتی ہے۔ دیہاتوں
‌میں عورتیں‌مردوں سے زیادہ کام کرتی ہیں اور وہاں‌ایسے مسائل نہیں۔ شہروں میں سارا دن ڈرامہ دیکھ کر اور کوئی کام نہ کر کے مسائل کھڑے کرتی ہیں

بدتمیز، عیاشی؟؟؟ کیا مرد بچے ہوتے ہیں؟؟ جو اپنا گھر چھوڑ کر باہر عیاشی کرتے ہیں؟ وہ ایک بیوی ہونے کے بعد دوسری کے پاس جاتا ہی کیوں ہے؟ کیا مرد اتنا گِرا ہوا ہے کہ ایسی حرکتیں کرنے پر اتر آتا ہے؟
اللہ نہ کرے کہ عورت دو شادیاں کر سکتی۔ ایک مثال دی تھی ، اور جیسے ایک عورت دو گھر نہیں سنبھال سکتی، ایسے ہی مرد بھی نہیں سنبھال سکتا۔
ساری زندگی ایک برے انسان کے ساتھ گزارنے سے بہت بہتر ہے کہ بندہ اکیلا رہ لے۔ طلاق ہو جانے کے بعد شادی نہیں ہوتی تو کوئی مسئلہ نہیں ہے۔ میرا خیال ہے عورت کو اپنے پیروں پر خود کھڑا ہو چاہیے نہ کہ صرف ایک مرد کی محتاج بن کر رہ جائے۔

کچھ مجبوریاں اور کچھ رواج ۔۔۔رشتے کے لیے دوسروں کے سامنے آنا ہمارے معاشرے کا حصہ بن چکا ہے، ہمارے معاشرے میں شادی کروانے کا اختیار صرف ماں باپ کے پاس ہوتا ہے۔ جو لوگ رشتہ دیکھنے آ رہے ہیں، ان کو کیسے معلوم ہو گا کہ لڑکا یا لڑکی کیسا ہے؟؟ اور سر آجکل نہ صرف لڑکیوں بلکہ لڑکوں میں بھی بہت خامیاں نکالتے ہیں۔

برابری ہی تو کرنے کی کوشش کر رہی ہے۔ مرد سے آگے تو نہیں بڑھ رہی نا؟ مرد کس بات سے ڈرتا ہے؟ کہ عورت اس کے برابر پہنچ گئی تو اس کی مقام میں کمی آ جائے گی؟

راشد، آپ کی اگلی پوسٹ کا انتظار رہے گا۔

وہ ایک بیوی ہونے کے بعد دوسری کے پاس جاتا ہی کیوں ہے؟

دوسری بھی اچھی لگتی ہے نہ، اگر کسی کو دو پسند ہو تو بیچارہ کیا کرے؟

کیا مرد اتنا گِرا ہوا ہے کہ ایسی حرکتیں کرنے پر اتر آتا ہے؟

شہسوار ہی گرتے ہیں نہ

شادی کے ساتھ ایک کی محتاج ہے تو شادی کے بعد سو کی ہو گی۔ ہمارے معاشرے میں جینا حرام ہو جاتا ہے۔ اور زیادہ تر حرام کرنے والی خواتین ہی ہوتی ہیں۔

لڑکوں میں بھی بہت خامیاں نکالتے ہیں۔

سمجھدار لڑکے ایسی نوبت نہیں آنے دیتے۔ وہ شادی آنلائن میں پہنچ جاتے ہیں

برابری کافی لمبی بحث ہے۔ کیسی برابری ہونی چاہئے اس پر دونوں کا اختلاف ہے جس پر بدقسمتی سے میں عورتوں کے خیالات سے یکسر اختلاف کرتا ہوں نتیجتا وہ مجھے بےوقوف سمجھتی ہیں مجھے آپکا علم نہیں آپ کونسی برابری کے حق میں‌ہیں۔

بدتمیز، آپ صرف منفی انداز میں سوچ رہے ہیں۔ سوچ کو وسیع کر کے سوچیں۔

راشد آپ کی پوسٹ کا عنوان ہی ایسا ہے کہ بے اختیار پڑھنے کو دل کرتا ہے۔

ہر معاشرے اور ہر تہذیب کی اپنی خصوصیات ہوتی ہیں اور ان کے تناظر میں ہی معاملات کو دیکھنا پڑتا ہے جبکہ اس کے ساتھ ساتھ کچھ باتیں آفاقی سچائیوں کا درجہ حاصل کر لیتی ہیں جس پر چاہے پوری دنیا متفق ہو نہ ہو وہ رہتی سچ ہی ہیں۔ ایسا ہی خاندان کے معاملے میں بھی ہے چاہے یہ کچھ معاشروں اور ممالک میں ٹوٹ رہا ہے یا اس کی اہمیت کم ہو رہی ہے مگر یہ ایک حقیقت ہے جو قائم رہے گی اور اس کی اہمیت کبھی کم نہ ہوگی۔

عموما عورت کو مظلوم اور مرد کو ظالم گنا جاتا ہے جو کہ شاید تحریک حقوق نسواں کے مسلسل پروپیگنڈہ کا اثر ہے کہ عورت کو ہر صورت مظلوم اور مرد کو ظالم ہی سمجھا جائے بلکہ اس سے بڑھ کر مرد کو عورت کو دشمن تسلیم کیا جائے جو عورتوں کی ترقی اور کامیابی کا مخالف ہے اور ہر قیمت پر انہیں دبا کر اور محکوم بنا کر رکھنا چاہتاہے۔ کئی جگہوں پر یہ بات سچ ہے مگر بہت سی جگہوں پر جھوٹ ہے مگر اقلیتی واقعات کو اکثریتی واقعات پر ترجیح دی گئی ہے اور عورتوں کو مردوں سے جدا رہ کر جینے کی راہ دکھائی گئی ہے کہ مردوں کے ساتھ رہ کر ان کا صرف استحصال اور استعمال ہی ہو گا ۔ اس سلسلے میں تحریک نسواں کی سفارشات پڑھی جائیں تو انتہائی حیرت ہوتی ہے کہ یہ کہاں جا رہی ہیں۔ اصل شے انصاف ہے جس کا فقدان ہے ورنہ کوئی بات بھی اصولوں اور انصاف کے ساتھ کی جائے تو قابل قبول ہو سکتی ہے ۔ اس کے علاوہ مردوں اور عورتوں کی نفسیات کا فرق بھی اکثریت کو یاد نہیں رہتا اور برابری بحیثیت انسان ہونی چاہیے نہ کہ آپ ہر فرق کو مٹا کر برابر کرنے پر تل جائیں۔

محب آپ نے تقریبابحث کا نچوڑ لکھ دیا ہے ۔۔ امید ہے ہم لوگ کوئی بھی رائے قائم کرنے سے پہلے تصویر کے دونوں رخ دیکھنا سیکھ لیں گے ۔۔ ویسے بھی ہر شریف آدمی اپنی بیوی سے ڈرتا ہے ہمارے لیے تو یہی مظلومیت کافی ہے

[…] کے حوالے سے “ہم عورتوں کو کیوں گھورتے ہیں“ اور “بیچارہ مرد“ کے عنوان سے کچھ گزارشات عرض کی تھیں جس میں دوسری شادی […]

[…] کو عورت کا دشمن سمجھا جاتا ہے۔ اس بارے میں راشد نے بھی کچھ لکھا تھا۔ 1۔ رشتے دیکھتے وقت ایک عورت ہی دوسری عورت کو کس طرح […]