يوں نہ تھا ميں نے فقط چاہا تھا يوں ہو جائے

میں نے دو تین ٹکریں مانیٹر پر ماریں پھر کہیں جا کر تھوڑی سی سمجھ آئی

دو دفعہ پڑھ کر سمجھنے کی کوشش کی مگر صرف مندرجہ ذيل الفاظ سمجھ ميں آئے ہيں
کا سنا سے تھا نہيں تو ہے کر بھی عالم کے آتا ہے والی ہر
اورآخری آدھا فقرہ ُ ایک پر تکلف عشائیہ ہے۔`
پر يہ عشائيہ ہے کہاں؟

ھالانکہ پر تکلف عشائیے سے شکم کی دیواریں ہل جاتی ہیں۔ لیکن دماغ کی چولیں ہلنے کے بعد اس کی اور معدے میں موجود مآل کی ظاہری حالت ایک جیسی ہوتی ہوگی۔ مسلمان اسی لئے علم گوشت کے ماہرین رہے ہیں ۔ خدا کا شکر کے یہ رتبہ ابھی تک ہم سے کوئ چھیننے میں کامیاب نہ ہو سکا۔ اچھا لکھا ہے میرا تو دل دہل گیا۔
اشتراکیت سے سرمایہ داری محض ایک پر تکلف عشائیے کا فاصلہ ہے۔ اچھا جملہ ہے۔

“اشتراکیت سے سرمایہ داری کا فاصلہ محض ایک پر تکلف عشائیہ ہے”

بہت اعلی!

اللہ جنت نصیب کرے اپنے لینن ایوارڈ یافتہ، دار و رسن کے شاعر فیض احمد فیض صاحب، ایک ‘بوتل’ مع پرتکلف عشایئے کے، کسی بھی جاگیردار اور سرمایہ دار کےآستانے پر حاضری فرائض میں‌سے سمجھتے تھے، نا صرف اتنا ہی بلکہایک دفعہ اپنے گھر کھانے پر مدعو ن م راشدکو بھی اپنے ساتھ ‘دعوت کھلانے’ لے گئے تھے۔
اللہ کرے زورِ قلم اور زیادہ لیکن حضور ذرا استعاروں اور کنایوں‌ پر ہاتھ ‘ہولا’ رکھیں

واہ ری بھوک تیرے بھی کیا رنگ
تو انسانی سوچ کو دروازوں پر بھی قفل ڈال دیتی ہے۔

بہت خوب جناب۔ غسل ِ‌دجاج کے معنی گوگل ترجمےمیں‌دیکھے
ذرا منظر کشی ان لمحات کی بھی کرتے جب افطار کے فوراَ‌بعد نشے اور غنودگی کا ایک ملا جلا حملہ ہوتا ہے جو بندے کو کہیں‌کا نہیں‌رہنے دیتا اور اقبال کا شاہیں‌کبوتر بن کر پروں‌میں منہ چھپا لیتا ہے۔
کافی عرصے بعد بلاگستان میں‌آمد ہوئی ہے، انشااللہ آپکی تحاریر فرداَ‌فرداَ‌پڑھونگا کچھ دیر میں۔

ابوشامل صاحب حوصلہ افزائی کا شکریہ۔۔ اب یہی تحریر دیکھیے افطار کے فورا بعد چائے کا ایک کپ بھی کیسا خمار دے گیا۔۔ دجاج کی کیا کہیں‌کہ “چھٹتی نہیں ہے کافر منہ کو لگی ہوئی”۔۔۔ جہاں تک معاشی نظاموں کا سوال ہے تو قبلہ بنیادی سا علم ہے‌ اور مزید کی جستجو رہتی ہے لیکن کچھ لکھنے سے تو معذور ہی سمجھیں لیکن آپ کی اس تحریر کا انتظار رہے گا۔

کامی بھائی جناب معذرت کے آپ کو سر ٹکرانا پڑا لیکن تجرباتی تحریر کسی بھی تجربہ کی طرح‌ الٹ ہوجاتی ہے اسے بھی یہی سمجھیں۔

اسماء بی بی خوش آمدید۔۔ میں معذرت چاہتا ہوں کہ پوری طرح‌ بات آپ کو سمجھا نہیں‌سکا بس اتنی سی بات کہنا چاہتا تھا کہ بھوک اور افلاس ختم کیے بغیر یہ نظام اور فلسفے کسی کام کے نہیں۔

عنیقہ صاحبہ ۔۔ مسلمان ہی کیا میں‌ تو کہوں کہ انسانیت کا مشترکہ ورثہ ہے علم گوشتی۔ آپ کو کچھ الفاظ کی ترتیب پسند آئی بہت شکریہ۔

عدنان بھائی بہت شکریہ۔۔‌آپ سے اختتام ہفتہ اس بابت ایک نشست رہے گی۔

محمد وارث صاحب۔۔۔ جناب آپ کی حوصلہ افزائی بہت اہم ہے جس کے لیے نہایت مشکور ہوں (: لینن والوں‌ کی کہیں آخر کو بائیں بازو کی طرف جھکاؤ ہے کچھ تو قبیلہ کی پردہ پوشی کر لینے دیں۔

عمار عاصی صاحب خوش آمدید۔۔ جناب درست فرمایا۔

فیصل صاحب۔۔ واپسی مبارک۔۔ کیا ہی اچھا لفظ ہے دجاج۔۔۔ اور جناب جن لمحات کی آپ نے بات کی ہے وہ تو جذب کا عالم ہے جناب انسان مجذوب ہوجاتا ہے وہ کیا کہتے ہیں صاف سوتا بھی نہیں پورا جاکتا بھی نہیں۔۔ محب علوی کے بلاگ پر ایک تحریر آپ کی توجہ کی طالب ہے۔۔

بہت عمدہ!

آپ نے تو بھوکے پیٹ کا پورا فلسفہ بیان فرما دیا۔ لگتا یوں ہے کہ آپ سحری پہ اٹھ نہیں پائے۔اور بغیر سحری کئیے روزہ رکھا۔ اور افطاری چھوٹ گئی۔

عشائیہ پر تکلف یا بے تکلف تو سمجھ میں آتا ہے پر رمضان میں ظہرانہ اور ایک ظہرانے کا ناغہ چہ معنی دارد اب تو ماہ رمضان المبارک کا آخیر چل رہا ہے اب تک تو آپ کو تئیس ظہرانوں کے ناغے کا عادی ہوجانا چاہئیے۔

علم گوشتی میں مرغ مسلم اور غسل دجاج کہ آپ شیدائی نظر آتے ہیں

مختصر مگر جامع۔ بہت عمدہ

جاوید صاحب ۔۔ شکریہ۔۔ یہ تو ہے کہ رمضان کے آخری عشرے تک انسان مکمل تبدیل ہوچکا ہوتا ہے بلکہ عید اور بعد کا ایک ہفتہ عجیب معلوم ہوتا ہے۔

اسلام و علیکم راشد بھائی ۔۔ آج عمران بھائی کے بلاگ پر ان کی تحریر پر اور ان کے تبصرات پڑھ کر تھوڑا ڈپرس تھا ۔۔ میں نے غلطی سے آپ کا نام تبصرات میں لکھ دیا ۔۔ آئی ایم سو سوری آپ کو کافی ہرٹ ہوا ہوگا ۔۔ میں بہت شرمندہ ہوں ۔

اکثر ہوتا ہے میرے ساتھ ۔۔ کہ میں اپنی موٹر سائیکل کھڑی کرتا ہو کہی تو واپسی پر اس جیسے کوئی بئیک کھڑی ہو تو اس میں چابی لگانا شروع ہو جاتا ہوتا ہوں

۔۔ امید ہے راشد بھائی آپ میری غلطی کو نظر انداز کروگے

بہت بہت شکریہ

ریحان صاحب والسلام۔ آپ نے فوری تصیح کردی مسئلہ وہیں‌کا وہیں حل ہوگیا۔۔ اور یہ ہوتا رہتا ہے میں فکر مند ہوگیا تھا کہ ایسی کونسی تحریر میں نے لکھی ہے۔ آپ کا شکریہ۔

boht khoub aap ki tahreer very nice ,,,i like it ……