يوں نہ تھا ميں نے فقط چاہا تھا يوں ہو جائے

بالکل پندرہ ہی ہے اور ابھی ایپل کے پندرہ ہونے میں شاید ایک گھنٹہ اور ہے

اسکرین شاٹس ایمیولیٹر سے لیے ہیں جو ایس ڈی کے میں شامل تھا اور ایپل نے او ایس فور ایپس بھی قبول کرنی شروع کردی ہیں۔

چونکہ ایپل کی مصنوعات صرف واؤ فیکٹر کی وجہ سے بکتی ہیں، اسلیے میں بھی کہونگا۔۔۔ واؤ
فرنٹ فیسنگ کیمرہ؟ یار خدا کیلیے۔۔۔ نوکیا اور دوسری کمپنیاں یہ پچھلی صدی سے بنا رہی ہیں۔ ٹیتھرنگ ہے؟ اگر نہیں تو حیرت کی بات نہیں اور اگر ہے تو یہ کام تو پانچ ہزار کا نوکیا فون بھی کرتا ہے، وہ بھی پچھلی صدی سے
اسکی واحد اچھائی خوبصورت ڈسپلے ہے۔ ورنہ اینڈرائڈ آوے ہی آوے۔۔

ایپل کی جدید مصنوعات سے ہمیشہ کی طرح آگاہ رکھنے کا بہت شکریہ ۔۔۔ بہت خوب ریویو ہے۔ آئی فون فور آنے کا ایک فائدہ ضرور ہے، کہ آپ بلاگ کا رخ کرنے پر مجبور ہوئے

فیصل بھائی فرنٹ فیسنگ کیمرہ دوسری کمپنیاں صدیوں سے بنا رہی ہیں لیکن ان سے ویڈیو کال کرنا ایک امر محال ہے جو آئی فون سے کم از کم وی جی اے کوالٹی میں ممکن ہے۔ ٹیتھرنگ تو کافی پہلے سے موجود ہے لیکن یوایس میں اے ٹی ٹی کی بدمعاشی کی بدولت سیدھی انگلی سے ناقابل استعمال ہے لیکن جیل بریک کے بعد یا دوسرے ملکوں میں لوگ استعمال کرتے ہیں۔ تھری جی ایس اور فور میں اصل فرق اے فور پراسیسر اور ڈسپلے کا ہی ہے وگرنہ ایسا کچھ نیا نہیں۔۔ لیکن آئی پیڈ کے کچھ ہفتے استعمال کے بعد یہ کہا جاسکتا ہے کہ دو ملین لوگوں نے یونہی پیسے نہیں ضائع کیے اس ڈیوائس میں واقعتا آسانی ہے اور اس سے اچھا پورٹیبل ڈیوائس شاید ہی کوئی اور ہو۔

ذاتی طور پر میں کسی بھی کلوز سسٹم سے الرجک ہوں اس لئے اپنے لئے ایپل کا کوئی پروڈکٹ بمشکل قبول کروں گا۔ رہا سوال آئی فون کی خوبیوں کی تعریف کرنا تو قابل تعریف جیزوں کی تعریف نہ کرنا بخل ہوگا۔ ایک چیز جو مجھے بہت ہی ناگوار گزرتی ہے وہ یہ کہ ڈرامائی تعارف بلکہ انکشافات کے دوران ایسی باتوں کو سرے سے گول کر جانا جو اپنی حمایت میں نہ ہوں یہاں تک تو ٹھیک ہے لیکن خامیوں یا کمیوں کو فیچر یا خوبیوں کا رنگ دے کر پیش کرنا کچھ زیادہ ہی مارکیٹنگ لگتی ہے۔ اور میں نے یہ بات دو گھنٹے کے حادثہء رو نمائی کے دوران کئی بار محسوس کی۔ نہ صرف آئی فون فور بلکہ آئی پیڈ کو متعارف کراتے ہوئے بھی اس سے مختلف انداز نہیں تھے۔

ہممم مجھے ویڈٰیو کال کا زیادہ اندازہ نہیں، ایک آدھ مرتبہ ہی کی ہے لیکن میرے خیال میں‌ اسمیں‌ ہارڈ ویر سے زیادہ نیٹ ورک کا معیار اہم ہے۔
آپ نے اصل بات اب کی ہے یعنی واؤ فیکٹر کو نکال کر فرق صرف تیز پراسیسر اور ڈسپلے کا ہے۔
اور بات گھوم پھر کر آئی پیڈ‌پر آ‌ ہی گئی ہے تو یقینا یہ بڑی اچھی ڈیوائس ہے، اگرچہ یہ کمپیوٹنگ (سست پراسسر) اور کتب بینی (بیک لٹ‌ڈسپلے)‌ کیلیے بیکار ہے۔ اور بھی کئی قباحتیں‌ہیں‌ لیکن پھر بھی اچھا کھلونا ہے۔ مجھے ویسے آدم کا انتظار ہے۔
http://www.notionink.in/adamoverview.php
ویسے آپ جب اپگریڈ‌کریں‌تو پرانا آئی فون مجھے گفٹ کر دیجیے گا

مجھے معلوم تھا کہ آپ کے بلاگ پر آئی فون 4 کا ریویو ضرور آئے گا۔
موبائل کمپیوٹنگ کا سکوپ بڑھتا جا رہا ہے۔ مجھے لگتا ہے کہ جلد ہی ڈیویلوپرز کے لیے موبائل ایپلیکیشن ڈیویلپمنٹ ضروری مہارت قرار پائے گا۔ ایپل خواہ کلوزڈسسٹم ہو، اس کی اہمیت سے انکار نہیں کیا جا سکتا۔

ایپل چھایا ہے جی موبائل ڈیوائسز کی مارکیٹ پر۔ وہ زمانے لد گئے جب ونڈوز اور میک کا تقابل کرکے ایپل کو چھوٹی کمپنی ثابت کیا جاتا تھا۔

ابوشامل صاحب۔ جناب شکریہ آپ کا بلاگ پر آنے اور اس روویو پر اپنی رائے دینے کا۔

ابن سعید صاحب آپ کی تشریف آوری کا شکریہ۔ پچھلے دو کی نوٹس کچھ زیادہ اچھے نہیں ہوئے یا شاید آئی فون کے اجراء کے وقت جو میعار سیٹ ہوا اس پر پورے نا اترتے ہوں لیکن آئی پیڈ کے استعمال کے بعد اس سے شکایات میں کمی آجاتی ہیں۔ خاص طور پر اگر ہم اس پر توجہ کریں کہ کوئی ڈیوائس کیا چیز کرسکتا ہے بجائے اس کے کہ کوئی ڈیوائس کیا نہیں‌کرسکتا ۔۔ آئی فون فور اپنی تمام تر خوبیوں اور خامیوں کے ساتھ ایک نیا میعار ہے اور تمام لوگ اس کو حاصل کرنے کی کوشش کریں گے۔

فیصل بھائی میرا بھی یہی خیال تھا کہ بیک لٹ سے مسئل ہوگا لیکن دو ہفتے استعمال کے بعد مجھے کتاب پڑھنے میں‌کوئی خاص مسئلہ نہیں‌ہوا کیونکہ ایک تو روشنی کے حساب سے بیک لٹ خود کو ڈھالتی ہے پھر آپ اسے ایڈجسٹ کرسکتے ہیں۔۔ آئ پیڈ اگر درست مقصد یعنی موبائل ملٹی میڈیا ڈیوائس کے طور پر استعمال کی جائے تو کوئی مقابل نہیں‌ دور تک اچھی بات ہے کہ آدم جیسا سسٹم بھی مارکیٹ میں آجائے تو ایک مقابلے کی فضا بنے جیسا اینڈروائڈ کے آنے سے ہوا ہے۔

نبیل صاحب یہ تو ہوچکا اب موبائل ایپس میں مہارت ایک بہت اہم قابلیت بن چکی ہے اور جو لوگ اس مارکیٹ میں جلدی آگئے وہ اپنی موجودہ حیثیت سے پوری طرح لطف اندوز ہورہے ہیں‌۔ کلوزڈ اور اوپن سسٹم کے بجائے اگر تخلیق کے عمل پر توجہ کریں‌تو ایپل نے بڑے بڑے ہاتھیوں کو چاروں شانے شت کردیا ہے اور اس وقت مارکیٹ‌میں دو فونز دستیاب ہیں‌ ایک آئی فون اور دوسرا آئی فون جیسا فون

دوست ۔۔ ایپل تو اب باقاعدہ سب سے بڑی ٹیکنالوجی کمپنی بن گئی ہے۔ اور آئی فون فور اگر کامیاب ہوتا ہے اور بڑے بڑے ریٹیل جائنٹس کا اس کی فروخت میں دلچسپی لینے سے یہ بات تو عیاں ہے کہ یہ کامیابی سے بیچا جائے گا اس بات میں‌ کوئی شک نہیں کہ ایپل اس وقت انڈسٹری لیڈر ہے۔

انڈرائیڈ اچھا ہے لیکن اس کی ڈیوائسز ابھی آئی فون کے مقابلے بیٹا فیز میں‌ ہیں۔ آئی فون استعمال کے بعد تو یہ خامیاں مزید خامیاں لگتی ہیں۔ اس کے ابھی دو ڈرا بیک ہیں اول فون کا آپریٹنگ سسٹم اپگریڈ کے قابل نہ ہونا۔ یعنی جو فون جب آیا وہ اسی آپریٹنگ سسٹم کے ساتھ رہے گا دوسرے اس کی ٹچ سکرین اور کی بورڈ کسی کام کے نہیں۔
ایپل والڈ گارڈن ہے۔ ٹکٹ لے کر داخل ہو۔ میں‌ اس وقت کے انتظار میں‌ ہوں جب فون اور اس کے آپریٹنگ سسٹم دو الگ چیزیں ہونگی یعنی جونسے مرضی فون پر جونسا مرضی آپریٹنگ سسٹم انسٹال کرو

راشد بھائی آپ کی اس بات سے صد فیصد متفق ہوں کہ کوئی ڈیوائس کیا کر سکتی ہے صرف اسے دیکھا جائے تو زیادہ مثبت اثر پڑتا ہے۔ پر یہ ایک نفسیاتی پہلو ہے کہ لوگ یکساں قیمتوں یا ایک درجے کی چیزوں میں موازنہ ضرور کرتے ہیں۔ ویسے بھی میں نے آئی فون فور کی بطور ڈیوائس تعریف کی ہے گو کہ بعض وجوہات کے باعث مجھے ایپل کے پروڈکٹ اور ان کا کاروباری فلسفہ پسند نہیں۔ ظاہر ہے اگر ایپل کے پروڈکٹ اچھے نہ ہوں تو صرف باتوں کی بنیاد پر اتنا بڑا یوزر بیس بنانا ممکن نہ ہوتا۔ میں نے پچھلے تبصرے میں بھی یہی کہا ہے کہ مجھے کمزوریوں کو خصوصیات کا رنگ دے کر پیش کرنا پسند نہیں آتا۔ لیکن دنیا مارکیٹنگ کے لئے ایسے پر فریب جملے نہ صرف برداشت کرتی ہے بلکہ پسند بھی کرتی ہے۔

بی ٹی بھائی ہم تو فون کے معاملے میں آپ کے مشوروں پر تکیہ کرنے والوں میں سے ہیں لیکن آپ کی زبان سے اینڈرائڈ فون کے آپریٹنگ سسٹم اپگریڈ کے بارے میں اتنے منفی خیالات سن کر حیرت ہوئی حالانکہ یہ بات درست نہیں ہے۔ خیر مجھے نہیں اندازہ کہ آپ کن بنیادوں پر یہ بات کہہ رہے ہیں۔ میرے خیال میں اینڈرائڈ فونز میں آپریٹگ سسٹم اپگریڈ کہیں زیادہ آسان کام اور عام رجحان ہے۔ ویسے میں نے پایا ہے کہ کچھ لوگ اینڈرائڈ کے حوالے سے ایسی غیر منطقی باتیں کرتے نظر آتے ہیں۔ رہا سوال ٹچ اسکرین اور کی بورڈ کا تو وہ ہارڈ‌وئیر سے زیادہ متعلق ہے اور اینڈرائڈ ہارڈوئیر کا نام نہیں‌ہے۔ ہر دو فون میں‌نتائج مختلف ہو سکتے ہیں۔

بہر کیف یہ پوسٹ آئی فون اور اینڈرائڈ کے موازنہ کے لئے نہ تو موزوں ہے اور نہ ہی اس چیز کی کوئی ضرورت ہے۔ آئی فون فور اپنے آپ میں ایک اچھا پروڈکٹ ہے۔

ارے یہ بھی دیکھیں:
http://edition.cnn.com/video/data/2.0/video/tech/2010/06/09/vause.china.ipad.clones.cnn.html

سعود آپ نے اینڈرائڈ کے شماریات دیکھے ہیں؟ اس کے شماریات عموما ڈیوائسز کے حساب سے سے نہیں‌بلکہ اینڈرائڈ ورژن کے حساب سے ہوتے ہیں۔
میرے پاس اینڈرائڈ ڈیوائس ماءی ٹچ ہے جو کہ اینڈرإئڈ ایک اعشاریہ چھ پر سٹک ہے جب کہ آجکل اینڈرائڈ دو اعشاریہ دو چل رہا ہے۔ میری ڈیوٕائس کا اپگریڈ فی الحال ناممکن ہے۔ یہ مجھے سسٹم اپڈیٹ میں یہی بتاتا ہے۔ انٹرنیٹ پر یہ خبر تو ملتی ہے کہ جلد اپگریڈ کا اعلان کیا گیا مگر کب ہو گا یہ عالم غیب ہے

فیصل کیا آپ کے علم میں‌ ہے کہ امریکا تک میں چائنا کا دو نمبر آئی فون بک رہا ہے؟ یہ ہو بہو آئی فون جیسا ہے مگر آئی فون نہیں جو کہ بعد میں بخوبی پتہ چل جاتا ہے

ہمارا اینڈروائڈ ڈیویلوپر کہتا ہے کہ ڈیوائس بآسانی اپ ڈیٹ‌ہوجاتی ہے لیکن یہ کیریر کی طرف سے پش کیا جاتا ہے۔ اور کچھ یوٹیلیٹیز دستیاب ہیں جن کی مدد سے عام آدمی بھی کرسکتے ہیں ورنہ تو اینڈروائڈ استعمال کرنے کے لیے بندہ اچھا بھلا گیک ہونا چاہیے

اگر کوئی ڈیوائس ٹچ انٹرفیس ہے اور کہیں پہ نگاہیں کہیں پہ نشانہ لگا رہی ہو تو بڑا برا معلوم ہوتا ہے اور چائنا کی کاپی کے ساتھ یہی مسئلہ ہے :)۔ اینڈروائڈ فونز تو ایک خریدو اور ایک فری مل رہے ہیں اور سارے کیریر اور وینڈر مل کر سپورٹ کررہے ہیں‌ اور اچھے خاصے عمدہ سیٹس ہیں لیکن سافٹ ویر، ہارڈ ویر، ایس ڈی کے اور ایپ اسٹور کا جو مرکب آئی فون کے ذریعے فراہم کیا گیا باقی تمام لوگ اب تک کچھ نیا نہیں‌کرسکے اور اس کا کریڈٹ ایپل کو ہر صورت میں دیا جانا چاہیے۔

فون شون کا تو مجھے زیادہ پتہ نہیں‌ہے جی
پر آپ سے ایک شکوہ ضرور ہے۔۔۔
اتنے دن کے بعد کچھ لکھا اور وہ بھی فون پر۔۔۔
کچھ ہمارے لئے بھی لکھیے۔۔۔

جناب آپ لوگوں کی محبت نے ہی اس بلاگ کو قائم و دائم رکھا ہوا ہے۔۔ غم روزگار نے چاروں شانے چت کررکھا ہے کہ کچھ اور سوچنے اور کرنے کی مہلت ہی نہیں مل پارہی۔

السلام عليکم ورحمۃ اللہ وبرکاتہ
کيسے ہيں بھائی؟

http://itunes.apple.com/br/app/urdu-blog-reader/id325631447?mt=8

کيا يہ سافٹ وئير آپ کا بنايا ہوا ہے؟

از راہِ عنايت مجھ سے رابطہ کريں۔
شکريہ

والسلام راسخ کشمیری صاحب۔
جی جناب یہ آئی فون/آئی پیڈ ایپ میری ہی بنائی ہوئی ہے۔

راشد کامران بھائی آپ مجھ سے ايميل پر از راہِ عنايت رابطہ کريں۔ ميں نے کل آپ کا ايميل تلاش کرنے کی سعی کی مگر ملا نہيں۔

بہت ہی اچھی پوسٹنگ ہے

Good going ustaad jee, MashAllah. Nice app.

[…] ایپل آئی فون فور […]

السلام علیکم
بہت اچھا لکھا ہے آپ نے ، مجھے ایک بات دریافت کرنی ہے امید ہے کہ رہنمائی کریں گے ، میں پی ڈی ایف فائلز کے مطالعہ کے لئے لیپ ٹاپ استعمال کرتا ہوں مگر اس میں‌ کافی دشواری ہوتی ہے ، کیا آئی فون 4 میں‌پی ڈی ایف فائل کا مطالعہ بالکل کتاب کی طرح بآسانی کیا جاسکتا ہے یا آئی پیڈ بہتر رہے گا ؟
والسلام

والسلام سید ابرار صاحب اور شکریہ۔

پی ڈی ایف کے مطالعے کے لیے آئی فون اور آئی پیڈ دونوں ہی اچھی طرح‌کام کرتے ہیں۔۔ بعض اوقات اردو پی ڈی ایف اتنی اچھی نہیں دکھائی دیتی مگر آئی بک میں پی ڈی ایف امپورٹ کرنے کے بعد ایک کتاب کی طرح اسکا مطالعہ کیا جاسکتا ہے اور ضرورت پڑنے پر پرنٹ بھی کی جاسکتی ہیں

[…] اپڈیٹ پچھلی ایپل اپڈیٹ کے بعد سے اب تک بہت سا پانی کوُپرتینو کے پلوں سے گزر چکا […]