يوں نہ تھا ميں نے فقط چاہا تھا يوں ہو جائے

کن الفاظ میں اس مضمون کی تعریف کی جائے؟ مجھ میں تو اتنی قابلیت نہیں کہ کچھ کہوں۔ جی چاہتا ہے کہ آپ کی انگلیاں چوم لی جائیں۔  

راشد برادر، تسی چحا گئے ہو سچی وچ، اول یوسفی پر لکھنا اور دوم اسقدر روانی اور خوبصورتی سے لکھنا کمال ہے۔ مجھے یقین ہے کہ یہ بلاگ اگر یوسفی بھی پڑھیں تو ضرور متاثر ہوں گے۔

بھائی جی۔۔۔۔
آپ کم کم کیوں‌ لکھتے ہیں۔ کیا ہم نوواردوں‌ سے کوئی ناراضگی ہے؟
تحریر خوب ہے۔ حق یوسفی ادا کردیا ہے۔

راشد: واللہ ابھی تک زبان پر اس تحریر کا مزہ باقی ہے۔

زبردست۔
یوسفی صاحب بھی کیلکولیٹر لئے حساب و حساب خوش ہو رہے ہوں گے۔
تعریف کیلئے دماغ اور الفاظ نہیں ہیں۔
بہت خوب۔
نہ سمجھ آنے والی بات ایک ہی ھے۔حامل و حاملہ حضرات و خواتین۔۔۔۔۔
یہ حضرات حاملہ کیسے ہوتے ہیں؟۔۔۔۔۔۔۔ہاہاہا۔

بڑے عرصہ بعد لکھا ہے اور حسب توقع لکھا ہے اور لکھنے کی رفتار بھی یوسفی صاحب کی طرح ہوتی جا رہی ہے۔ یہ جملہ مجھے تو حاصل مضمون لگا ویسے اور بھی بہت شاندار جملے ہیں مگر فی الحال اسی پر اکتفا کرتا ہوں

ہمارے لیے تو یہ یقین کرنا ہی محال تھا کہ کوئی زندہ ادیب اس قدر عمدہ مزاح تخلیق کرسکتا ہے

بہت عمدہ تحریر ہے
اور یوسفی صاحب کی کیا بات ہے۔
شاید پہلی دفعہ آپکے بلاگ پر آیا ہوں، پڑھ کر اچھا لگا۔۔۔۔

گنگ ہوکے رہ گیا ہوں۔۔

قبلہ اگر پہلے ہی جملے میں دی گئی آپ کی تشبیہ درست مان لی جائے تو آپ بھی کسی ‘سینٹ پال’ سے کم ثابت نہیں ہونگے

لاجواب!

واہ صاحب۔۔ بڑے عرصے بعد آمد ہوئی اور قسمت میری دیکھیے کہ ابھی ابھی شام کی چائے کا دور شروع کیا تو ساتھ بلاگستان میں‌آپکی تحریر دیکھتے ہی دوڑا چلا آیا۔۔۔۔ یقین جانیے دن بھر کی تھکان رفوچکر ہو چکی ہے۔
نہایت عمدہ۔۔۔

کل ہی میں نے کسی کو آب گم کا وہ اقتباس سنایا جس میں ایک بزرگوار املتاس کے درخت پر ٹنگے ہوئے بشارت کے ٹانگے کے گھوڑے کے شجرہ نسب میں پدری حیثیت سے داخل ہونے کی خواہش کا اظہار کر رہے تھے۔
جن اردو بلاگرز کی آپ نے بات کی ہے وہ شاید اس پوسٹ پر تبصرہ کرنے نہیں آئے۔ یہاں تبصرہ کرنے والے تو نہایت مدلل تحاریر لکھتے ہیں۔ اور ان میں سے کچھ میں ایک آدھ دماغی خلیہ پائے جانے کا قوی امکان بھی پایا جاتا ہے۔

آپ تمام احباب کی حوصلہ افزائی پر نہایت مشکور ہوں؛
خصوصا وارث صاحب‌کہ قبلہ آپ کے تحریر پڑھ لینے سے ہی اس کی وقعت میں اضافہ ہوجاتا ہے اور امید رہتی ہے کہ نثر میں بدنظمی نہیں‌ہوئی۔

اتنی اچھی تمہید کے بعد اس خوبصورت تحریر کا یک دم ختم ہو جانا اچھا نہ لگا، مگر پھر یہ سوچ کہ دل کو تسلی دی کہ شائد اس کی اگلی قسط جلد شائع ہو ۔۔

اتنی دیر تک ہماری خاموشی کا یہ مطلب نہیں کہ ہم نے تحریر دیر سے پڑھی بلکہ ہم گنگ سے تھے کہ کچھ لکھنے کو نہ سوجھتا تھا۔ کیفیت کچھ ایسی ہو رہی ہے کہ اپنا بینک اکاؤنٹ ٹٹول کر دیکھ چکے ہیں جس کے تین عددی ہندسے میرا منھ چڑا رہے ہیں ورنہ سوچ رہے تھے کہ فیض یابی کی غرض سے آپ کے شہر کا قصد کر کے رخت سفر باندھ لیتے اگلے لانگ ویک اینڈ پر۔ خیر اب تو آپ کو یہاں بلوانے کی درخواست کے سوا کوئی چارہ کار نہیں۔

صرف اس لئے تبصرہ کرنا پڑا کہ یہاں پہ تبصرہ کرنے والے مدلل تحاریر لکھتے ہیں اور ان میں ایک آدھ دماغی خلیہ پائے جانے کا قوی امکان ہے۔ سوچا اس بہانے اپنا نام بھی شامل ہو جائے تو کیا حرج۔ تو انگلی کٹا کر شہیدوں میں شامل ہو رہی ہوں۔ یوسفی صاحب کی کتاب زرگذشت میں یقینآ کچھ ایسے پہلو ہیں جن پہ طالبانی حکومتیں پابندی لگائیں گی۔
اور انکی بعض تحاریر پہ تو متعصب ہونے کا الزام بآسانی لگ سکتا ہے۔
میرے ایک کو لیگ تھے۔ پنجاب یونیورسٹی کے پوزیشن ہولڈر۔ دنیا کے ایک بڑے مشہور اسکالر شپ کے حامل، جرمنی سے پی ایچ ڈی کرنے کی سعادت حاصل کی۔ شطرنج اچھی کھیلتے تھے۔ یہ سارے حوالے اس لئے کہ انکی دماغی ساخت کا اندازہ ہو جائے۔ ان کے سامنے ایک دفعہ میں نے غلطی سے یوسفی کی شان میں ایک قصیدہ پڑھ ڈالا اور زور جذبات میں انہیں پسندیدہ مزاح نگار تک کہہ ڈالا۔ ماتھے پہ بل ڈالے اور کہنے لگے کہ اگر انکے مزاح میں سے خواتین کا بیان، جنس کا احوال اور اردو کی مشکل تراکیب کو منفی کر دیا جائے تو شاید آپ یہ دیکھنے میں کامیاب ہو جائیں کہ اردو میں ان سے کہیں بیش قیمت مزاح نگار موجود ہیں۔
میں اس دن سے خاموش ہوں۔

قبلہ آپ کی پیشگی اجازت کے بغیر اس خوبصورت تحریر کو اردو محفل فورم کی زینت بنا دیا ہے، امید ہے برا نہیں مانیں گے
http://www.urduweb.org/mehfil/showthread.php?31739-%DB%8C%D9%88%D8%B3%D9%81%DB%8C-%D8%B5%D8%A7%D8%AD%D8%A8-%D8%A7%D8%B2-%D8%B1%D8%A7%D8%B4%D8%AF-%DA%A9%D8%A7%D9%85%D8%B1%D8%A7%D9%86

یوسفی صاحب کی مدح میں لکھے گٕے بے شمار مضامین میں ایک گران قدر اضافہ!

اور ہاں ایک بات تو کہنا بھول گئ تھی کہ اگر خواتین اور جنس کو نکال دیا جائے تو آپکی اکثر تحریریں یوسفی کی یاد دلاتی ہیں۔

آپ ان سے آن لائن شاگردی اختیار کر لیں تو یہ آب گم نہیں ہوگا۔ اور ہمارے کو لیگ کسی کو تو اچھا مزاح نگار تسلیم کریں گے۔

ویسے عنیقہ صاحبہ نے جن موصوف کا تبصرہ یوسفی پر بیان کیا ہے ان کے متعلق یہ نہیں لکھا کہ وہ گنجے بھی ہیں یا نہیں اور موٹا چشمہ بھی لگاتے ہیں یا نہیں، تا کہ انکی “دماغی ساخت” اور “ذہنی حالت” کا مکمل ادراک ہو سکے

عنیقہ نے جن کا ذکر کیا ہے وہ پی ایچ ڈی ضرور ہوں گے لیکن شاید ان کے دماغ میں خلیوں کی تعداد صفر ہوگی۔
اور کامران کے لیے بھی اشارہ ہے کہ انہیں بہتر مزاح نگار بننے کے لیے کن اضافی لوازمات کی ضرور ہے۔

بڑی عمر ہے مولانا آپکی۔ کل ہی آپکے بارے میں سوچ رہا تھا کہ کہاں غائب ہیں۔ اور یہ بھی کہ ہم کم کم لکھتے ہیں‌تو کیا برا کرتے ہیں اگر آجکل آپ اور ابو شامل بھی کم کم ہی نظر آتے ہیں۔
تحریر کا مزا آ گیا۔ یوں لکھا ہے جیسے کائی زدہ گھڑے پر برسات کی بوندیں پھسلتی ہیں۔ بہت ہی شستہ۔ ایک تبصرہ نگار کے تبصرے نے البتہ مزا خراب کر دیا۔ شائد کچھ لوگ اپنی نوئزنس ویلیو
nuisance value
پر ہی خوش ہیں ؛)

طبیعت باغ باغ ہو گئی جناب۔۔
بہت اعلی

ڈاکٹر صاحب۔۔ شکریہ، نا معلوم کیوں مجھے یہ خدشہ لاحق ہے کہ طویل تحریریں چاہے کتنی اچھی کیوں نا ہوں‌ اس ٹوئٹر کے دور میں ہر فقرے پر قاری کی توجہ حاصل کرنا مشکل ہے، اس لیے ذاتی طور پر میں مختصر کی مشق میں مصروف ہوں جس میں کبھی جزوی کامیابی اور اکثر ناکامی کا سامنا رہتا ہے

ابن سعید صاحب۔۔ جناب آپ تشریف لائیں یا ہمیں “شرف بازیابی” دیں کیا فرق پڑتا ہے، اصل بات تو ملاقات ہے۔

وارث صاحب۔ جناب آپ کی مہربانی ہے جو آپ نے اس قابل سمجھا اجازت کو تو کوئی بات ہی نہیں

عنیقہ صاحبہ۔ میں آپ کی پسند اور مشوروں پر شکر گزار ہوں۔
جن صاحب نے یوسفی صاحب کی تحریروں میں خواتین کا بیان، جنس کا احوال اور اردو کی مشکل تراکیب تلاش کرلیں ہیں مجھے شبہ ہے کہ وہ منٹو کے افسانے یوسفی کی کتاب سمجھ کر پڑھتے رہے ہیں یا مصروفیات کی بنا پر “تھرڈ پارٹی”‌ خلاصوں سے کام چلایا ہے :)‌ ورنہ پطرس اور یوسفی صاحب کے مضامین سے ہی انسان کو پتہ چلتا ہے مزاح محض‌ زیر ناف ہوئی وارداتوں کا بیان نہیں اور ایک اچھا مذاق غیر فحش بھی ہوسکتا ہے۔

فیصل بھائی۔۔۔ ہم کہاں مولانا جناب ہم تو مسٹر بھی نہیں‌ :)‌ آپ کے دو فقروں نے سیروں خون بڑھا دیا ہے۔ ابوشامل صاحب بلاشبہ ایک بڑے سانحے سے گزر رہے ہیں اللہ انہیں صبر عطا کرے اور انشاء اللہ جلد وہ اپنے بلاگ پر کچھ تحریر کریں گے۔

شکریہ امتیاز صاحب۔

” مزاح محض‌ زیر ناف ہوئی وارداتوں کا بیان نہیں ”
بہت خوب!!

ویسے۔۔۔صاحب۔۔منٹو پر اک نظر اور ڈال لیجئے۔ کثرت کلام نے معیار کو کچھ زک ضرور پہنچائی ہے۔ لیکن ایسی بھی بات نہیں۔ کم از کم ہم عامیوں کو تو وہی سمجھ لگتی ہے۔

نجانے کیوں‌ مجھے آپ کے تبصرے سے یوں لگا کہ آپ منٹو کے افسانے مزاح‌ نگاری کے ضمن میں‌ پڑھتے رہے ہیں۔

عثمان صاحب۔۔ میری ناقص رائے میں تو منٹو معاشرے کی تصویر کشی کرتا ہے۔۔ معاشرہ ننگا تو تصویر بھی ننگی۔۔ اور یہ آپ جانتے ہیں کہ ننگی تصویریں کسی کے لیے عبرت کا نشان اور کسی کے لیے شہوت کا سامان۔۔ اصل بات تو مقصد کی ہے۔۔ موضوع پر رہیں تو میں‌ اپنی بات پر قائم ہوں کہ یوسفی کے مزاح میں عام فہم واقعات سے جتنا عمدہ مذاق بیان کیا جاتا ہے کم از کم میری نظر سے تو اس کی مثال اردو میں نہیں گزری اور کچھ چیزیں تو بہت خالص ہیں غزل کی طرح۔

قبلہ آپ کی بات سے اتفاق ہے۔ میں تو صرف آپ کی رائے لینا چا رہا تھا۔ ویسے ہوسکے تو دوسرے ادیبوں پر بھی اسی طرح کی تحریر لکھیں۔ اسی بہانے ہمیں آپ کو بھی پڑھنے کا موقع ملتا رہے گا۔

حاملہ کا اضافہ خوب کیا ، اس طرف تو یوسفی کا بھی شیطانی ذہن نہیں گیا آج تک ۔۔ باوجود طالبانی ذہن رکھنے کے داد دینی پڑے گی
عثمان اور عدنان آپ کی راشد بھائی سے کم کم لکھنے کی شکایت بے جا ہے ۔راشد بھائی پر یوسفی چھاپ نمایاں ہے یہ ان ہی کے نقش قدم پر ہیں
جعفر بھائی آپ گنگ ہو کر نہیں رہ گئے گم ہو کر رہ گئے ہیں ،۵ ستمبر کے بعد سے گم ہیں میں تو اعلان کروانے والا تھا
بہر حال تحریر شاندار ہے جاری رکھیں‌طالبان کو کوءی اعتراض نہیں ہے 

شکریہ عرفان بلوچ صاحب۔۔
ازراہ مذاق کہ یہ میرے لیے لمحہ فکریہ ہے کہ طالبان کو میری تحریروں‌پر اعتراض نہیں‌ رہا :)۔

عثمان صاحب۔۔ میری ناقص رائے میں تو منٹو معاشرے کی تصویر کشی کرتا ہے۔۔ معاشرہ ننگا تو تصویر بھی ننگی۔۔
ــــــــــــــــــــــــــــــــــــــــــــــــــــــــــ

معزرت کے ساتھ راشد کامران صاحب،
اگر مصور کسی غسلخانے میں سوراخ کر کے وہیں ڈیرہ ڈال کر بیٹھ جائے تو ؟
سعادت حسسن منٹو ایک بڑا افسانہ نگار تھا شاید اردو ادب میں اس سے بڑا افسانہ نگار کوئی نہیں گزرا مگر ایک ظلم اس نے خود اپنے ساتھ یہ کیا کیا کے موضوعات کو پھیلا نہ سکا .

ڈاکٹر صاحب‌ایک طرف ہم اسے سب سے بڑا افسانہ نگار کہیں‌دوسری طرف اسے موضوع کے معاملے میں قلاش قرار دیں تو یہ عجیب معاملہ ہوجائے گا۔۔ واقعہ یہ ہے کہ منٹو صرف حمام میں‌ سوراخ نہیں کرتا بلکہ چوک پر برہنہ پھرنے والوں‌ کی بھی بات کرتا ہے۔۔ کس معاشرتی موضوع پر آپ سمجھتے ہیں کہ منٹو نے نہیں‌ لکھا؟

“یوسفی صاحب کے بارے میں ہمارا کچھ کہنا ایسا ہی ہے جیسے ۔۔۔۔۔۔۔۔۔۔۔۔۔۔۔۔۔۔۔۔ کسی اردو بلاگر کا اپنی تحریروں کو دلیل سے مزین کرنا”
ہاہاہاہا ۔۔۔۔ حضور! آپ نے تو چھتر گیلا کر کے مارا ہے تحریر بہت لاجواب ہے، کئی مرتبہ پڑھ پڑھ کر محظوظ ہو رہا ہوں۔

Incredible use of metaphors, mashAllah

بہت عمدہ تحریر ہے۔

[…] یوسفی صاحب […]

جناب راشد کامران صاحب
تحریر پسند آئی، بہت ہی خوب۔

I dont understand why are ou scared of using Quran ibstaed of Bible , Because:
1. Islam is superior than Christianity.
2. Aapki phat tee hai ke kahin maar na diye jayen
3.Its okay to be funny with other religions but not islam

Pakistanis are the biggest problem in the region. That has to be dealt with firm hand or its going to devil-ise the whole region- Nothing personal about you, but you seem to be an off shoot of that brethren.
Ajaz Latif

ہے بڑی پرانی، لیکن سوادلی اے۔ خوب است پیارے بھیا